Ubuvanganzo bw'umwimerere nyarwanda

Umubano mu bantu

Ni umurage rusange wa basogokuruza

Ali data  ali na so bose barawusanze

Ubasonzoranyiliza mu nzu y'amahoro

Impumeko y'amahoro irakunda iraramba,  bambe

v    Umubano mu bantu

Ni wo uhuje amahanga ni wo ubumbye imilyango

Ni cyo kiza turusha ibindi biremwa byose,

Abantu tugasangira urupfu no kuramba

Subiza agatima i mpembero wibaze nawe,  bambe

v    Ku mubano mu bantu

Ni wo utsinda amahane tukava inda imwe twese

Mu mulyango uzira ubulyalya utagira inabi

Abantu tugasangira urupfu no kuramba

Subza agatima impembero wibaze nawe,  bambe

v    Ku mubano mu bantu

Kandi wuje urukundo kandi wuje umurava

Ukagira amahoro ho umunywanyi wa hafi,

Ni wo ubyara gutabarana no gufatanya

Ni wo soko y'ubumwe bubonereye abantu,  bambe

v    Umubano mu bantu

Ni iki cyaruta ubuntu n'imbabazi mu bantu ?

v    Umubano mu bantu

Nta cyaruta umushyikirano no kuva inda imwe

v    Mu mubano mu bantu

Ni iki cyaruta gufatanya hakora ukuli?

v    Mu mubano w'abantu

Nta cyaruta umutima ukeye utagira ishyali

v    Mu mubano w'abantu

v    Umubano mu bantu