Ubuvanganzo bw'umwimerere nyarwanda

Umuvugo 1

Kagame uli mu biki?  

Ko Umwami yahozeho
Abantu bakabaho
Intambara ntizasibagaho
Abapfuye bakavaho
Abasigaye bakabaho
Umwami akabarwanaho
Ibibazo bikavaho
Kagame ali mubiki?

Abaneshejwe bakitabwaho
Abatsinze bakabanaho
Inka bakabahaho
Inzangano bakazirengaho
Bakaba inshuti bitabaho
Bakibagirwa ibyahozeho
Kagame uli mubiki?

Bakaramukanya Muraho
Bagasezerana murabeho
Mugitondo bati mwaramutseho
Urugwiro rukabaho
Kagame uli mubiki

Icyo mbivugiraho
Kagame niwowe byavuyeho
Iyo ntebe wicayeho
Kimwe n,abayibanjeho
Bayikomeyeho
banga kuyivaho
Kagame uli mubiki

Banze kuyivaho
Muyibasangaho
Mubakorera ibyababayeho
Namwe bizababaho
Niba mutisubiyeho
Inzangano ngo murenzeho
Mwoye kuzitaho
Mujye mureberaho
Ndavuga nka Ba Renzaho
Na Ba Nzamurambaho
Kagame uli mubiki?

Mwakilinze iyo mihoro
Tukibera mumahoro
Mukagabanya imisoro
tukiyuzuzaho umunezero
tubuguza igisoro
Tugahindura ya ndoro
Tukarangwa n,ikiganiro
cyuje igikundiro
Kagame uli mubiki?

Waba uwo Kwa Nsoro
Cg kwa Gahindiro
Mucyurabuhoro
Tulinde umubabaro
Hamwe n,agasuzuguro
Ntitube agatobero
Bibe ikubitiro
Hamwe n,irengero
N,ipfundikiro
Kagame uli mubiki?

Ko duturanye
Tukaba tumaranye
Kuki twicanye
Kugeza tumaranye
Niba ali ibyagoranye
Cg ibigoramye
ko tubisangiye
Ese twibaniye
nibyo byananiranye?
Kagame uli mubiki?

Abarokotse muliho
N,isi waba uliho
Kagame arakwibazaho
Na Genocide bahoraho
Akalikera izabakoraho
Simbitindaho.
Kagame uli mubiki?

MRND yavuyeho
FPR yirohaho
Ibarubanda birundaho
Yanda yahozeho
Niyo yagarutseho
Nimwisubireho
Mubyibazeho
Umwanya ukiliho
Kagame uli mubiki?

Ndaje ndapfukamye
Nsenge iyaturemye
Nsabe cyane nubamye
Nsabe rugira waturemye
Ngo itulinde abaduhimye
kuko tubaho duhumye
Tukicara twihinye
Bakatwica babyitumye
Kagame uli mubiki?

Bagasenya ibyatuvunnye
Tugatukisha iyaturemye
siyo mico twamanye
Cg twakuranye
Ntitwalimburaga abo twabyaranye
Nabo Twasenganye
Boshye Abagomye
Iyo mico ihetamye
Na Gacaca Ibogamye
Na Arusha yatwihereranye
Kagame uli mubiki?

Ko wica ugahotora
Intumbi zikazimira
Abazungu bakemera
Ruzibiza akababara
Ruyenzi akabizimura
Abacu tukabura
Kumulindi hakagwa Ibara
N,imfura ukamara
Ukabarundamwo umumara
Ukiyunyuguza USiel Kabera
Nabandi tukabura
Opposition igasara
Ukayisenyura
Kagame uli mubiki?

Soma iyi nteruro
Winikize ino ntero
Ugabanye ibitero
Tujye mwitorero
Ujye mu bwogero
Ukubitwe ibyuhagiro
Uvanweho imiziro
Lyangombe umuhe iyuburo
Nawe aguhe impanuro
Kagame uli mubiki?

Ko Wacyuye imfura
Izindi zigatakara
Zigatagangara
Ukanga kuzihara
Ukemera zikababara
Zigapfa zikabora
Uduhanga ukatubara
Tukandagara
Ukirya akara
Rubanda ikandagara
Kagame uli mubiki?

Mwene Gahindiro
Gira igikundiro
Tuve mubuhungiro
Udukure mumuliro
dutahe mumahoro
Twange iyo mihoro
Twange nizo nsoro
Kagame Uli mubiki?

Cyose Sekarongoro
Tukwambike amasaro
Ntitube iniganiro
Cg isibaniro
Cg Igombaniro
Lya Abanyamayero.
Kagame uli mubiki?

Gosora kurutaro
Uhereye butaro
Amacakubili roha mumuliro
Ubumwe bube intangiliro
Hamwe niherezo lize mumahoro
Ubwubahane bube umusemburo
Ubwumvikane bubenk,ivuliro
Ntituzongere ibyo mumasengero
ubufatanye bibe umwambaro
Twiyereke hamwe kumutambagiro
sugira rwanda temba amahoro
temba ,temba temba umukiro
Kagame uli mubiki?

Ntituzongere kureba ivukiro
Twishyire hamwe dukore ihuliro
Lyabunze ubumwe mwikotaniro
Dutsinde yamoko yamitiliro
Kagame uli mubiki?

Uzaturokora yuze mungoro
Twinikize ingoma iyo mwijabiro
Tumwite Rugaba cg Byiringiro
Yadukuye habi atulinda icyangiro
Yanze ko tuba nk,ifu n,ifuro
atwibagise Tingi tingi no Mubisesero
twoye guhora amanywa n,ijoro
abejo tubabere urugero
Kagame uli mubiki?

Ndi nkawe na babisa
Nkibera nka Musa
Mukaryama mugasasa
Nanjye nkababisa
Nkigira iyo tudasa
Sinongere kubarasa
Ejo mutazandasa
Kagame uli mubiki?

Yorudani uyigezeho
igihe cyawe gishizeho
Ibyo wakoze bikuliho
Nupfa bizagumaho
bazabikwandikaho
ukuli kuzakubonekaho
Genocide izaguhoraho
Kuko Ibi byose Niwowebyavuheho
Ngaho murabeho
Mbaye ngusezeyeho
Nzagaruka utakibaho.

3/4/2006 05:09 nduwayezu sinziajk@hotmail.com